Xokkey. Jahon chempionati finalchilari nomi ma'lum bo‘ldi

Xokkey bo‘yicha Daniyada bo‘lib o‘tayotgan 2018 yilgi jahon chempionatida finalchilar nomi ma'lum bo‘ldi.

Shvetsiya terma jamoasi AQSh ustidan 6:0 hisobida yirik g‘alabaga erishdi. Ikkinchi yarim final juftligida Shveytsariya Kanadani 3:2 hisobida mag‘lub etdi.

Shu tariqa, jahon chempionati oltin medali uchun Shvetsiya hamda Shveytsariya terma jamoalar kurashadi. Uchrashuv 20 may kuni, Toshkent vaqti bilan 23.15 da bo‘lib o‘tadi. 

Kanada va AQSh ham ertaga, Toshkent vaqti bilan 18.45da bronza medali uchun kurashishadi.