Shvetsiyadagi cherkovdan XVII asrga tegishli toj o‘g‘irlandi

Shvetsiyaning Strengnes shahridagi ibodatxonadan Karl IX va uning ayoli, qirolicha Kristinaga tegishli tojni o‘g‘irlab ketishdi.

Jinoyat 31 iyul kunduzi ro‘y berdi. Guvohlarning ma'lum qilishlaricha, ikki o‘g‘ri ibodatxona yonidagi qirg‘oq bo‘yida ularni kutib turgan motor qayiqqa o‘tirib qochib qolgan.

Karl IX'ning toji tilladan ishlangan bo‘lib, olmos, marvaridlar va kumush bilan bezatilgan. O‘g‘rilar ularni cherkovdagi signalizatsiya o‘rnatilgan eshigi berk xonadan olib qochishning uddasidan chiqishgan. Hozircha o‘g‘rilarni qidirish ishlari natija bermagan.

2013 yilda jinoyatchilar qirol Yuxan III'ning toji va skipetrini o‘g‘irlashgan. Bir necha kundan so‘ng politsiya anonim xabar yordamida ularni katta yo‘l chetidagi sumkalardan topgan.