«Real» Kovachichni «Chelsi»ga qo‘yib yuboradi

«Real» yarim himoyachisi Mateo Kovachich «Chelsi»ga o‘tishi kutilmoqda.

Marca nashri ma'lumotiga ko‘ra, tomonlar ushbu 24 yoshli havbekning ijarasi bo‘yicha kelishuvga erishgan.

Biroz oldinroq ushbu nashr xorvatiyalik futbolchi Madrid klubi safida mashg‘ulotlarda ishtirok etishdan bosh tortgani va kelajagi masalasiga oydinlik kiritishni talab etayotgani haqida xabar tarqatgandi.

«Real» Kovachichni sotishdan ko‘ra ijaraga berishni afzal ko‘rgan, futbolchi keyinroq jamoaga kerak bo‘lishi hisobga olingan.

Futbolchi transferi yaqin vaqtlar ichida e'lon qilinishi kutilmoqda.

Bundan avvalroq, Qirollik klub «Chelsi»dan darvozabon Tibo Kurtuani olmoqchi ekani haqida xabar tarqalgandi. Ushbu belgiyailik futbolchi ham Madridga o‘tishni istamoqda va u ham jamoa mashg‘ulotlarini boykot qilgan.