Android 8.0’ning yangi versiyasi Galaxy S7’ni ishdan chiqarayotganidan shikoyat qilinmoqda
Foydalanuvchilar Samsung Galaxy S7 smartfonlari uchun chiqarilgan Android 8.0 Oreo yangilanmasi (proshivka) qurilmalarni ishdan chiqarayotganidan shikoyat qilishmoqda. Shikoyatlar dastlab yangilanma boshqa davlatlardan ko‘ra ertaroq chiqqan Janubiy Koreyadan bildirila boshlangan.
Bu modeldagi smartfonlarga yangi dastur o‘rnatilgach, qurilmalar o‘z-o‘zidan o‘chib, qayta yuklana boshlagan, ba'zilari esa umuman yoqilmay qo‘ygan.
Galaxy S7 egalaridan biri yangilanmani olgandan va qurilma muntazam o‘chib yoqila boshlagandan so‘ng qizib o‘chib qolganini ma'lum qilgan. Foydalanuvchi servis markaziga murojaat qilgach, unga ishdan chiqqan bosh platani almashtirganlik uchun 180 dollarlik haq taqdim qilingan. Ta'kidlanishicha, bunday holatlar ko‘plab yuz bermoqdda.
Samsung ushbu muammodan xabardor bo‘lib, biroq uning sababini aniqlay olmayapti. Mutaxassislar smartfonlaridagi operatsion tizimni yangilamay turishni tavsiya qilishmoqda.
Avval shunga o‘xshash muammo Xiaomi smartfonlari bilan kuzatilgan va kompaniya Android 8.1 yangilanmasidan voz kechgan.
Mavzuga oid
20:58 / 04.09.2024
Google ishlab chiquvchilar uchun Android 15 tizimini chiqardi
18:28 / 26.07.2023
Android uchun ChatGPT ilovasi ishga tushirildi
20:45 / 24.06.2023
Yangi Google smartfonlaridan kompyuter o‘rnida foydalanish mumkin
22:25 / 07.01.2023