1 oktabr kuni Toshkentdan Samarqandga «Afrosiyob»ning qo‘shimcha qatnovi yo‘lga qo‘yiladi 

1 oktabr – «O‘qituvchi va murabbiylar kuni» munosabati bilan «O‘zbekiston temir yo‘llari» aksiyadorlik jamiyati «Toshkent – Samarqand – Toshkent» yo‘nalishida «Afrosiyob» yuqori tezlikda harakatlanuvchi elektropoyezdining qo‘shimcha qatnovini yo‘lga qo‘yadi. 

Qayd etilishicha, bu yo‘lovchilarga dam olish kunida yanada qulaylik yaratish maqsadida amalga oshirildi.

№764/763 elektropoyezd shu kuni soat 08:30da Toshkent Markaziy vokzalidan jo‘nab, soat 17:00da Samarqanddan ortga qaytadi. Ayni paytda ushbu qo‘shimcha poyezd uchun chiptalar sotuvi yo‘lga qo‘yilgan.