Jamiyat | 19:10 / 29.12.2018
14917
2 daqiqa o‘qiladi

Samarqandda katta partiyadagi «Tramadol» tabletkalari ushlandi

Samarqand viloyati IIB xodimlari hamda viloyat DXX bilan hamkorlikda Samarqand shahrining G‘alaba ko‘chasida olib borilgan tadbir natijasida fuqaro M.Sh.dan 380 dona «Konvolyuta», 3800 dona «Tramadol» tabletkalari olingan. Bu haqda viloyat IIB matbuot xizmati Kun.uz’ga ma'lum qildi.

Fuqaro M.Sh. bilan olib borilgan surishtiruv ishlari natijasida u tarkibida narkotik moddalar bo‘lgan mazkur «Tramadol» tabletkalarini fuqaro B.M.dan olganini aytgan. Fuqaro B.M.ning tanishi X.U.ning uyidan esa jami bo‘lib 2542 dona «Konvalyuta» va 25420 dona «Tramadol» tabletkasini topilgan.

Foto: Samarqand viloyat IIB

Tadbir natijasida tabletkalar g‘ayriqonuniy ravishda sotilishi va odamlarni zaharlashining oldi olindi.

Foto: Samarqand viloyat IIB

Mazkur holat yuzasidan O‘zbekiston Respublikasi Jinoyat kodeksining 273-moddasi 5-qismi bilan jinoyat ishi qo‘zg‘atildi hamda tergov harakatlari olib borilmoqda.

Шуҳрат Шокиржонов
Tayyorlagan Шуҳрат Шокиржонов
Kun.uz yangiliklarini Google News'da kuzating
+ Obuna bo'lish

Mavzuga oid