Ispaniya kubogi. «Mestalya»dagi dramada Rodrigo bosh qahramonga aylandi

Ispaniya Kubogining chorak final javob uchrashuvlari boshlandi.

O‘tgan hafta birinchi o‘yinda «Xetafe»dan 0:1 hisobida yengilgan «Valensiya» javob bahsi yakuniga ko‘ra keyingi bosqichga chiqa oldi. «Mestalya»dagi uchrashuvda ham «Xetafe» hisobni ochdi: 38-soniyadayoq mehmonlarning 36 yoshli hujumchisi Xorxe Molina gol urdi. Ammo ikkinchi bo‘limda Rodrigoning het-trigi «Valensiya»ni qutqardi.

Rodrigo 61-daqiqada hisobni tenglashtirgan edi. Shundan so‘ng o‘yinning asosiy vaqti tugaganida ham umumiy hisob bo‘yicha 2:1 bo‘lib turgan, «Valensiya» keyingi bosqichga chiqish uchun ikkita gol urishi kerak edi. Qo‘shib berilgan 7 daqiqaning ikkinchi va uchinchi minutlarida Rodrigo ana o‘sha uddalab bo‘lmasdek tuyulgan vazifani bajardi: jarima maydoni markazidan turib, o‘ziga uzatilgan to‘plarni darvozaga joylab qo‘yib, jamoasini chorak finalga olib chiqdi.

Ispaniya kubogi, 1/4 final
29 yanvar
Valensiya – Xetafe 3:1 (0:1, 3:0)
Gollar: Rodrigo (60, 90+2, 90+3) - Molina (1)
Valensiya – Domenek, Garay, Gayya, Pichchini (Li Kan In, 71), Gabriel, Vass (Cheryshev, 56), Soler (Gameyro, 86), Parexo, Ferran Torres, Santi Mina, Rodrigo.
Xetafe – Chichisola, Dakonam, Antunesh, Suares, Kabrera, Portilo (Duro, 67), Flamini (Arambarri, 57), Maksimovich, Kristoforo (Bruno Gonsales, 78), Mata, Molina.
Ogohlantirishlar: Mata (10), Suares (20), Dakonam (25), Portilo (43), Chichisola (44), Gabriel (45), Santi Mina (46), Garay (68), Molina (84), Rodrigo (90+4), Arambarri (90+7).
Chetlatishlar: Dakonam (74), Diakabi (90+10), Bruno Gonsales (90+10).

Birinchi o‘yin: 0:1

Keskin kurashlarga boy o‘tgan o‘yin janjal-to‘polon bilan yakunlandi.

30 yanvar
23:30. Betis – Espanol (1:1)
01:30. Barselona – Sevilya (0:2)

31 yanvar (Toshkentda 1 fevralga o‘tar kechasi)
01:30. Jirona – Real Madrid (2:4)