Jazoir prezidenti iste'foga ketishga va'da berdi. Biroq saylovlardagi g‘alabadan keyin

Jazoir prezidenti, 82 yoshli Abdulaziz Butafliqa aprelda bo‘lib o‘tadigan prezident saylovlarida ishtirok etmoqchiligini ma'lum qildi, biroq ularda g‘alaba qilgandan keyin iste'foga ketishga va'da berdi. 

Butafliqaning vakili tomonidan televideniye orqali o‘qib eshittirilgan bayonotiga ko‘ra, u qayta saylangandan keyin bir yil ichida muddatdan avval saylovlar tashkillashtirishga tayyor.  

1 mart kuni Butafliqaning navbatdagi prezidentlik muddatiga o‘z nomzodini ilgari surishini e'lon qilganiga javoban Jazoirda ko‘p minglik norozilik namoyishlari boshlanib ketgan. 

Butafliqa hozirda Jyenevadagi shifoxonada qolmoqda. U bu yerga 2 mart kuni og‘ir ahvolda yotqazilgan. Oxirgi vaqtda Jazoirda mamlakatni 1999 yildan beri boshqarib kelayotgan Butafliqaning o‘z vazifalarini bajarishga layoqatli ekanligiga shubha bildirib kelinmoqda.