Jazoir prezidenti saylovlarda ishtirok etishdan bosh tortdi 

Jazoir prezidenti, 82 yoshli Abdulaziz Butafliqa mamlakat prezidenti lavozimiga 5-marotaba nomzodini qo‘yish fikridan qaytdi. Bu haqda Tsa-Algerie nashri xabar berdi.  

“Sog‘lig‘im va yoshim Jazoir xalqi oldida o‘z majburiyatlarimni bajarishga imkon bermaydi”, deb aytilgan prezidentning millatga murojaatida.  

Shu bilan birga, Butafliqa 18 aprelga belgilangan saylovlarning ko‘chirilishini ma'lum qilgan.

Avvalroq Jazoir hukumati mamlakatda davom etayotgan ommaviy noroziliklar ortida iste'foga ketdi. Butafliqa hukumatda o‘zgartirishlar amalga oshirib, so‘ngra umummilliy anjuman tashkil etmoqchi, uning natijalariga ko‘ra esa saylovlarning yangi sanasi belgilanadi.  

Butafliqa Jazoirni 1999 yildan beri boshqarib keladi. Bir necha hafta oldin Butafliqa o‘z nomzodini saylovlarga ilgari surmoqchiligini e'lon qilgandan keyin mamlakatda bunga qarshi ommaviy noroziliklar boshlangandi.