Moskva aeroportida ikkita samolyot to‘qnashib ketishiga bir baxya qoldi
Moskvadagi Sheremetevo aeroportida ikkita samolyot o‘zaro xavfli masofaga yaqinlashdi. Bu haqda «Interfaks» voqeadan xabardor manbaga tayangan holda xabar bermoqda.
Agentlik ma'lumotiga ko‘ra, bu juma, 15 mart kuni kechqurun sodir bo‘lgan. Britaniya aviakompaniyasining Boeing yuk samolyoti ikkinchi aylanaga ketishda parvozga ko‘tarilayotgan yo‘lovchi bortiga xavfli masofada yaqinlashgan. Agentlik suhbatdoshining aniqlik kiritishicha, yuk samolyoti birinchi urinishda qo‘na olmagan va ikkinchi aylanaga ketgan. Shu bilan birga, «u, katta ehtimol bilan, Moskva-Pekin yo‘lovchi layneri yaqin masofada parvozga ko‘tarilayotganini hisobga olmagan».
Xavfli masofada yaqinlashuv haqidagi ogohlantirish tizimi ishlab ketgan va samolyotlar bir-biridan xavfsiz tarzda uzoqlashgan. Hech kim zarar ko‘rmadi.
Shu kabi hodisa 2018 yil qishida ham Sheremetevoda sodir bo‘lgandi. O‘shanda Tallindan Moskvaga reysni amalga oshirayotgan «Superjyet» samolyoti qo‘nish paytida Murmanskdan uchib kelgan «Boing» avialayneriga xavfli masofada yaqinlashgan. Signalizatsiya ishlab ketgan vaqtda avialaynerlar orasidagi masofa qariyb 600 metrga teng edi.
Mavzuga oid
20:47 / 21.09.2024
Norvegiyadan Ispaniyaga uchgan samolyot sichqon sabab avariyaviy qo‘nishni amalga oshirdi
18:35 / 17.09.2024
Moskva oblastida 2025 yildan boshlab migrantlar mehnati cheklanishi mumkin
21:00 / 16.09.2024
Moskva oblastida politsiyachi mashinasida o‘zbekistonlik bolani bosib ketdi
18:55 / 14.09.2024