Ukraina MSK bayonot berdi: mamlakatda prezidentlik saylovlarining ikkinchi turi o‘tkaziladi

Ukraina Markaziy saylov komissiyasi ovozlarning 60 foizini sanab chiqqandan so‘ng, hech bir nomzod saylovchilarning yetarlicha ovozini to‘play olmagani to‘g‘risida rasman ma'lum qildi. Mamlakatda prezidentlik saylovlarining ikkinchi turi o‘tkaziladi.

«Ikkinchi tur bo‘lib o‘tadi», - deya xabar berdi TASS Ukraina Markaziy saylov komissiyasi raisi Tatyana Slipachukning dushanba kuni bo‘lib o‘tgan brifingdagi so‘zlariga tayangan holda.

Bundan oldin, shoumen Vladimir Zelenskiy Ukraina prezidentligi uchun saylovlarda 40,09% ovozlar qayta ishlangandan keyin yetakchilik qilayotgani xabar qilingandi.

Ikkinchi o‘rinni Ukraina yetakchisi Pyotr Poroshenko 16,65 foiz ovoz bilan egallab turibdi. Yetakchilar uchligiga «Batkivshchina» partiyasi rahbari Yuliya Timoshenko 13,13% ovoz bilan yakun yasab bergan.

Xabarlarga ko‘ra, Ukrainaning deyarli 11 million fuqarosi mamlakat prezidentligi uchun saylovlarda ovoz berishda qatnashmagan. 

Ukraina Markaziy Saylov komissiyasi ovoz berish yakunlarini 10 aprelga qadar e'lon qiladi. Ikkinchi tur 21 aprel kuniga belgilangan.