Tramp nima uchun Jahon banki rahbarligiga qizining nomzodini ilgari surmaganini aytdi
AQSh prezidenti Donald Tramp Atlantic nashriga bergan intervyusida o‘z qizi va maslahatchisi Ivanka Tramp nomzodini Jahon banki prezidentligiga ko‘rsatishni o‘ylagani haqida ma'lum qildi.
"Men hatto Jahon banki rahbarligiga Ivankaning nomzodini ilgari surishni o‘ylagandim. U buni qoyilmaqom qilib uddalagan bo‘lardi, chunki raqamlar bilan zo‘r ishlaydi", - dedi Tramp.
Amerika prezidenti o‘zini qarindosh-urug‘chilikda ayblashlari mumkinligidan xavfsirab AQSh vakili sifatida qizining nomzodini ko‘rsatish fikridan qaytganligini aytdi.
"Agarda shunday qilganimda, meni qarindosh-urug‘chilikda ayblagan bo‘lishardi, garchi buning qarindosh-urug‘chilikka aloqasi yo‘q bo‘lsa-da", - deya qayd etgan AQSh prezidenti.
Yanvar oyida Financial Times gazetasi AQSh prezidentining qizi Ivankani Jahon banki prezidenti lavozimiga nomzodlardan biri deb atashayotganini xabar qilgandi. Keyinroq Oq uy bu xabarni rad etdi, Jahon banki prezidentligiga esa AQSh moliya vazirining xalqaro ishlar bo‘yicha o‘rinbosari Devid Malpass saylandi.
Mavzuga oid
07:22 / 24.06.2024
O‘zbekiston chiqindi gazlarni kamaytirgani uchun Jahon bankidan to‘lov qabul qilgan dunyodagi birinchi davlat bo‘ldi
14:45 / 18.06.2024
JB: O‘zbekistonda ayollar va erkaklarga teng haq to‘lanishini ta’minlash 700 ming kishini kambag‘allikdan chiqaradi
07:40 / 14.06.2024
Jahon banki O‘zbekistonga grant ajratdi
12:36 / 27.05.2024