Olmaliqdagi ikkita binoda yong‘in yuz berdi. Ulardan biri OTMKga qarashli

2019 yil 3 iyul kuni soat 05:05larda Toshkent viloyatining Olmaliq shahrida yashovchi 34 yoshli S.S.ga tegishli Olmaliq shahrida joylashgan oziq-ovqat do‘konida yong‘in sodir bo‘lgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, yong‘in do‘kon oldida joylashgan “Olmaliq tog‘ metallurgiya kombinati” AJga qarashli Kalmakir koni Birlashmasining ma'muriy binosiga o‘tgan. Ko‘rilgan choralar natijasida yong‘in o‘chirilgan.

Yong‘in kelib chiqish sabablari va keltirilgan moddiy zarar miqdori aniqlanmoqda. Surishtiruv ishlari olib borilmoqda.