Dominikanada rossiyalik sayyohlar avtobusi ishtirokida yo‘l-transport hodisasi yuz berdi

Dominikanada ichida o‘nlab rossiyalik sayyohlar bo‘lgan avtobus aeroportga yo‘lda yuk mashinasi bilan to‘qnashib ketib, ag‘darilib ketdi. Bu haqda Diario Libre nashri xabar berdi. 

Yo‘l-transport hodisasi yuk mashinasining keskin manyovri va avtobus oldiga o‘tib olishi oqibatida yuz bergan.

Rossiya elchixonasi ma'lumotlariga ko‘ra, avtobusda 39 rossiyalik sayyoh bo‘lgan. Ulardan hech kim halok bo‘lmagan. Diario Libre’ning ma'lum qilishicha, jarohat olganlar shifoxonaga yetkazilgan, kamida 15 rossiyalik og‘ir ahvolda qolmoqda.  

Sayyohlar Anex Tour turoperatorining mijozlari bo‘lishgan. Kompaniyada ta'kidlanishicha, bir necha kishi “og‘irroq ahvolda” bo‘lib, ular poytaxtdagi shifoxonaga jo‘natilgan, ammo og‘ir ahvolda bo‘lganlar yo‘q. Shuningdek, ta'kidlanishicha, bir necha kishi shifoxonani tark etib, mehmonxonaga qaytgan.     

Turoperator ma'lumotlariga ko‘ra, umumiy hisobda 27 rossiyalik shifoxonaga yetkazilgan, ulardan 20 nafarining hayoti xavf ostida emas, 7 nafar jabrlanuvchining ahvoli shifokorlar tomonidan baholanmoqda.