Toshkent viloyat hokimligi Ohangarondagi hashar yuzasidan izoh berdi

2020 yil 4 mart kuni Kun.uz saytida «Toshkent viloyat hokimligiga savol: yakshanba dam olish kunimi yo hashar?» sarlavhali maqola e'lon qilingan edi. Unda joriy yilning 1 mart kuni, dam olish kuni bo‘lishiga qaramasdan, Toshkent-Olmaliq yo‘li, shuningdek, Ohangaron shahrida obodonlashtirish boshqarmasi xodimlari yo‘lning ikki yonida yer ag‘darish, daraxtlar va yo‘l chetlaridagi beton ustunchalar, to‘siqchalarni oqlash, ko‘chat o‘tqazish kabi ishlarni bajarayotgani haqida xabar qilingan edi.