Dominikan hukumati aholini spirtli ichimlik ichishni to‘xtatishga chaqirmoqda

Dominikan hukumati aholini alkogol iste'mol qilishni to‘xtatishga chaqirdi.

Foto: Shutterstock

«Alkogol organizmning himoyalanishini pasaytiradi va koronavirus yuqishini osonlashtiradi. Izolyatsiyada bo‘lgan vaqtingizda notinchlik va qo‘rquvni his qilib ichkilik ichmang», - deyiladi ma'muriyatning Twitter sahifasidagi murojaatida.

Ayni vaqtda mamlakat hududida karantin joriy etilgan.

Oxirgi ma'lumotlarga ko‘ra, Dominikanda 901 kishi koronavirusga chalingan, bu bir hafta avvalgidan 7 baravarga ko‘p. 42 kishi vafot etgan, to‘rt kishi tuzalgan.

Avvalroq JSST bosh direktori ham koronavirusga qarshi turish uchun alkogol, tamakidan voz kechishga va sport bilan shug‘ullanishga chaqirgandi.