Shvetsiyada ko‘mirda ishlovchi barcha elektr stansiyalar yopildi

Stokholmdagi Stockholm Exergi kompaniyasiga tegishli Värtaverket elektr stansiyasi to‘xtatilgan. Bu haqda Electrek nashri xabar berdi.

Shvetsiya buni rejalashtirgandan 2 yil ertaroq amalga oshirdi.

“Maqsadimiz barcha mahsulotimizni tiklanuvchi yoki qayta ishlanuvchi energiya manbalaridan ishlab chiqarishdan iborat. Bu stansiya uzoq vaqt davomida Stokholm aholisiga issiqlik va elektr energiya berib kelgan. Bugun biz qazib olinuvchi barcha turdagi yonilg‘ini qo‘llashni to‘xtatishimiz kerakligini bilamiz, shu sababli ko‘mirni qo‘llashni sekin-asta to‘xtatishimiz lozim”, deb aytgan kompaniya direktori Anders Yegelrud.

Europe Beyond Coal ma'lumotlariga ko‘ra, 2025 yilgacha yoki undan ertaroq Yevropaning yana 6 ta davlati – 2022 yilgacha Fransiya, 2023 yilgacha Slovakiya va Portugaliya, 2024 yilgacha Britaniya, 2025 yilgacha Irlandiya va Italiya Shvetsiya kabi yo‘l tutishi kutilmoqda.

Germaniyaning Maks Plank jamiyati kimyo institutida har yili 8,8 mln kishining o‘limiga olib keluvchi asosiy sababni ma'lum qilishgan. Mutaxassislarning ta'kidlashicha, millionlab odamlarning barvaqt vafot etishiga olib keluvchi va bartaraf etish mumkin bo‘lgan asosiy sabab havoning global ifloslanishi hisoblanadi. Aynan shu omil odamlar hayotini o‘rtacha 3 yilga qisqartirar ekan. Olimlar olib borgan tadqiqot neft, gaz va ko‘mir yoqilishidan hosil bo‘luvchi qattiq zarralarning o‘pkaga tushishi inson hayotini bir yilga qisqartirishini ko‘rsatgan.