Qirg‘iziston parlamenti yana bir bor Japarovni bosh vazirlikka tasdiqladi

Qirg‘iziston parlamenti majlisida Sadir Japarov mamlakat bosh vaziri etib tasdiqlandi. 

Deputatlar Japarov nomzodini bir ovozdan qo‘llab-quvvatladi. Parlament shuningdek, Japarov rahbarligidagi hukumat tarkibi, dasturi va tuzilmasini ham qo‘llab-quvvatladi.

 Parlament 10 oktyabrda Japarovni bosh vazirlikka tasdiqlagandi. 13 oktabr kuni Qirg‘iziston prezidenti parlamentning Japarovni bosh vazirlikka tayinlash to‘g‘risidagi qarorini noqonuniy deb topgan va hujjatni parlamentga qaytargandi.

 Qirg‘izistonda siyosiy inqiroz boshlanishidan avval Japarov koloniyada jazo o‘tayotgan bo‘lib, 5 oktabr kungi norozilik namoyishlari chog‘ida tarafdorlari tomonidan ozodlikka chiqarildi.