Japarov prezidentlikka nomzodini qo‘yish uchun markaziy saylov komissiyasiga hujjat topshirdi
Qirg‘iziston prezidenti saylovi 2021 yil 10 yanvarda bo‘lib o‘tadi.
Qirg‘iziston prezidenti vazifasini bajaruvchi, bosh vaziri Sadir Japarov davlat rahbari lavozimiga nomzodi ro‘yxatga olinishi uchun markaziy saylov komissiyasiga hujjat topshirdi. Bu haqda Qirg‘iziston prezidenti matbuot xizmati xabar berdi.
"Bugun, 14 noyabrda Japarov,Qirg‘iziston Respublikasi saylovlar va referendumlar o‘tkazish bo‘yicha markaziy komissiyaga o‘z nomzodini prezident lavozimiga ilgari surish uchun hujjat topshirdi", - deyiladi xabarda.
Ma'lumot berilishicha, Japarov saylov komissiyasiga prezident lavozimiga nomzodini qo‘yishi to‘g‘risida ariza, boshqa mamlakat fuqarosi emasligi to‘g‘risida ma'lumotnoma, davlat tilini bilish darajasi to‘g‘risidagi sertifikat va boshqa zarur hujjatlarni topshirgan.
Qirg‘iziston prezidenti saylovi 2021 yil 10 yanvarda bo‘lib o‘tadi. Qonunchilikka ko‘ra, davlat lavozimini egallab turgan shaxslar prezident saylovida ishtirok eta olmaydi, ular o‘z lavozimlarini vaqtincha tark etishlari lozim.
Japarov prezidentlik vakolatlaridan voz kechadi. Uning vakolatlari avtomatik tarzda parlament spikeri Talant Mamitovga o‘tadi.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024