O‘zbekistonda Xalqlar do‘stligi kuni belgilanadi

O‘zbekistonda Xalqlar do‘stligi kuni belgilanadi. Bu haqda 2021 yilga mo‘ljallangan davlat dasturi loyihasida aytilgan.

O‘zbekiston Respublikasi qonuni loyihasi ishlab chiqiladi. Loyihada 30 iyul – Xalqaro do‘stlik kunini yurtimizda “Xalqlar do‘stligi kuni” deb belgilash nazarda tutiladi.

Bajarish muddati - 2021 yil 1 aprel, mas'ullar - Millatlararo munosabatlar va xorijiy mamlakatlar bilan do‘stlik aloqalari qo‘mitasi, Adliya vazirligi.

Shuningdek, “Do‘stlik haftaligi” va “Do‘stlik” xalqaro forum-festivalini o‘tkazish rejalashtirilgan.

Vazirlar Mahkamasining farmoyishi loyihasi tayyorlanadi. Loyihada “Do‘stlik haftaligi” va xalqaro forum-festival O‘zbekiston Respublikasining millatlararo totuvlikni mustahkamlash sohasidagi obro‘sini yanada targ‘ib qilish bo‘yicha aniq tadbirlar nazarda tutiladi.

Bajarish muddati - 2021 yil 30 iyul, mas'ullar - Millatlararo munosabatlar va xorijiy mamlakatlar bilan do‘stlik aloqalari qo‘mitasi, Tashqi ishlar vazirligi, Investitsiyalar va tashqi savdo vazirligi, Moliya vazirligi, Adliya vazirligi.