Germaniya Belarus muxolifatiga 20 mln yevrodan ortiq pul ajratdi
Tashqi ishlar vaziri Hayko Maasning bildirishicha, GFR hukumati Belarus muxolifatini qo‘llab-quvvatlash dasturini tayyorladi.
Germaniya hukumati Belarusdagi muxolifatni qo‘llab-quvvatlash dasturi uchun 21 mln yevroga yaqin mablag‘ ajratishga qaror qildi. Bu haqda Germaniya tashqi ishlar vaziri “Belarus bilan birdamlik” onlayn-anjumanida ma'lum qildi.
"Ishonchingiz komil bo‘lsin: Germaniya va YeI siz tomonda. Biz Lukashenko va uning rejimiga qarshi sanksiyalar kiritdik. Va biz miqdori 21 million yevrogacha bo‘lgan "Belarus fuqarolik jamiyati” harakatlar rejasini ishlab chiqdik", – dedi Maas Belarus muxolifati tarafdorlariga murojaat qilarkan.
Uning qo‘shimcha qilishicha, namoyishlarda qatnashgani uchun maktab va universitetlardan chiqarib yuborilgan talabalarga stipendiyalar taklif etiladi. Shuningdek, mustaqil ommaviy axborot vositalari qo‘llab-quvvatlanadi.
Avvalroq OAV Germaniya hukumati ta'qib qilinayotgan belaruslik muxolifatchilar uchun viza olishni soddalashtirmoqchi ekanligi to‘g‘risida xabar bergandi.
Mavzuga oid
13:50 / 21.09.2024
Litvalik yurist Belarus foydasiga josuslik qilgani uchun 9 yilga qamaldi
12:50 / 11.09.2024
Latviya Belarus bilan chegara nazoratining kuchaytirilgan rejimini uzaytirdi
02:34 / 11.09.2024
Latviya Belarus raqamlariga ega yengil avtomobillarni mamlakatdan chiqarib yuborishni buyurdi
23:21 / 09.09.2024