Yapon olimlari yangi tish o‘stirish texnologiyasini ishlab chiqishdi

Yaponiyada yangi tish o‘stirish texnologiyasi ishlab chiqildi. Yangi texnologiya tishlari odamnikiga o‘xshash jihatlarga ega bo‘lgan sichqonlar va sassiqkuzanlarda sinovdan o‘tkazilgan.

Foto: Getty Images

Science Advances ilmiy nashrida ma'lum qilinishicha, davolash metodikasi organizmni yangi tishlarni o‘stirishga majbur qiladigan monoklonal antitanalarga asoslangan.

Tadqiqotning ko‘rsatishicha, USAG-1 genini bloklash suyak morfogenetik oqsili faolligini oshiradi. Bu molekulalar tana a'zolari va to‘qimalar o‘sishini tartibga solishga javob beradi.

Ushbu oqsil faoliyatiga aralashuv jiddiy nojo‘ya ta'sirlar keltirib chiqarishi mumkin. Biroq olimlar USAG-1’ning suyak morfogenetik oqsili bilan ta'sirlashishini o‘zgartiruvchi bir qator monoklonal antitanalarni tekshirib, ular orasidan nojo‘ya ta'sir keltirib chiqarmaydigan antitanani aniqlashgan.

Texnologiya sichqonlar va sassiqkuzanlarda sinovdan o‘tkazildi.

“Keyingi rejamiz antitanalarni it va cho‘chqa kabi boshqa hayvonlarda sinovdan o‘tkazishdan iborat”, deb ma'lum qilishgan olimlar.

#Yaponiya #tish