Portugaliyada ukrainalikning o‘limidan so‘ng davlat organi tugatilib, yangi organ tashkil etildi

Portugaliyada xorijliklar va chegara ishlari xizmati (SEF) tugatildi. Bunga Ukraina fuqarosi Igor Xomenyukning o‘limi bilan bog‘liq holat sabab bo‘ldi, deb yozadi RIA Novosti.

SEF 14 apreldan boshlab tugatildi, uning o‘rniga xorijliklar va boshpana berish bo‘yicha xizmat tashkil etildi.

Igor Xomenyuk o‘tgan yil martida Lissabon aeroportidagi tergov izolyatorida vafot etgan. U vizasi bo‘lmagani sababli aeroportda ushlangan va izolyatorga joylashtirilgan.

Tergovning fikricha, Xomenyukning o‘limiga SEF’ning uch nafar xodimi uni do‘pposlashi sabab bo‘lgan.

O‘tgan yil dekabrida SEF boshlig‘i Krishtina Gatoes iste'foga chiqqandi.

Keyinroq Xomenyuk oilasi Portugaliya hukumatidan kompensatsiya olishi ma'lum qilindi.