Surxondaryoda «Jiguli» mashinasiga 16 nafar yo‘lovchi mindirgan haydovchiga chora ko‘rildi

Surxondaryo viloyati Uzun tumanida o‘zining «Jiguli» mashinasida 16 nafar yo‘lovchi olib ketayotgan haydovchiga chora ko‘rilgan. Bu haqda viloyat IIB YHXB xabar bermoqda.

Ma'lum qilinishicha, joriy yil 15 may kuni Surxondaryo viloyat IIB YHXB YPX xodimlari tomonidan Uzun tumanida o‘tkazilgan reyd tadbirida «Jiguli» mashinasi to‘xtatilgan. Hujjatlarni ko‘zdan kechirish jarayonida ushbu mashinada belgilangan me'yordan ortiq, 16 nafar odam borligi aniqlangan.

Qayd etilishicha, mashinada kelayotgan 16 nafar fuqaro dehqon fermer xo‘jaligi egasi bo‘lgan haydovchining qo‘l ostida ishlaydigan yollanma ishchilar bo‘lgan. Haydovchi o‘ziga tegishli yerda ularni olib borib ishlatib, so‘ng olib qaytayotgan vaqtda yo‘l-patrul inspektorlari tomonidan to‘xtatilgan.

Ta'kidlanishicha, ushbu haydovchiga nisbatan yo‘l harakati qoidalarining 159-moddasiga ko‘ra, Ma'muriy javobgarlik to‘g‘risidagi kodeksning 128-moddasi 1-qismi bilan ma'muriy bayonnoma rasmiylashtirilgan.

Surxondaryoda tegishli hujjatlari bo‘lmagan shaxs sodir etgan YTHda 11 yoshli bola halok bo‘ldi

Surxondaryodagi «avariya»da ikki nafar piyodaning o‘limiga sabab bo‘lgan haydovchi qochib ketdi