G20 mamlakatlari moliya vazirlari global soliq to‘g‘risidagi kelishuvni imzoladi

G20 mamlakatlari moliya vazirlari tashkilotning Venetsiyada bo‘lib o‘tgan sammitida global soliq to‘g‘risidagi kelishuvni imzoladi. Bu haqda Politico xabar bermoqda.

Hujjat shuningdek, 130 mamlakat vakillari tomonidan ma'qullangan va transmilliy kompaniyalar uchun 15 foiz miqdoridagi minimal soliq stavkasi o‘rnatilishini ko‘zda tutadi.

Qayd etilishicha, kelishuv xalqaro korporatsiyalarning soliq to‘lashdan qochish uchun o‘z aktivlarini xorijga o‘tkazishiga xalaqit beradi.

G20 mamlakatlari moliya vazirlari ushbu kelishuvni tarixiy deb atadi. Ularning fikricha, mazkur islohot xalqaro soliq tuzilmasini yanada barqaror va adolatli qiladi.

Hujjatning yakuniy tahriri oktyabrda Rimda bo‘lib o‘tadigan sammitda "Katta yigirmatalik" yetakchilari tomonidan ma'qullanishi lozim.