Yong‘inlar sababli Kaliforniyaning minglab aholisi evakuatsiya qilinadi

Avvalroq Plumas okrugidagi Grinvill shahri yong‘in oqibatida butkul yo‘q bo‘lgani xabar qilingandi.

AQShning Kaliforniya shtatida keng ko‘lamdagi yong‘inlar sababli minglab aholini evakuatsiya qilish buyurildi. Bu haqda Plumas okrugi sherifi ma'muriyati ma'lum qildi.

Plumas okrugida yong‘in 188 gektar maydonni qamrab oldi. Mahalliy aholining 39 foizi evakuatsiya qilindi. Yong‘inga qarshi kurashga besh mingdan ortiq o‘t o‘chiruvchi safarbar qilingan. To‘rt kishi bedarak yo‘qolgan deb hisoblanmoqda.

CNN telekanalining ma'lumot berishicha, shtatda 25 kundan buyon yong‘inga qarshi kurash olib borilmoqda.

Olov Byutt, Lassen va Texeyma okruglariga yetib kelgan. Avvalroq Plumas okrugidagi Grinvill shahri yong‘in oqibatida butkul yo‘q bo‘lgani xabar qilingandi.