8 oyda 565 nafar fuqaro temiryo‘l qoidalariga rioya etmagani uchun 16,8 mln so‘m jarima to‘lagan

AOKAda "O‘zbekiston temir yo‘llari" AJ boshqarma boshlig‘i Rahim Saidov ishtirokida brifing o‘tkazildi. Unda temiryo‘llar o‘tgan hudud atrofida yashaydigan aholi uchun xavfsizlik chora-tadbirlari yuzasidan ma'lumot berildi.

Ma'lum qilinishicha, 2021 yilning 8 oy mobaynida 565 nafar fuqaro temiryo‘l qoidalariga rioya etmagani uchun 16 million 871 ming 275 so‘mlik ma'muriy javobgarlikka tortilgan.

Qayd etilishicha, bugungi kunda Toshkent – Samarqand – Buxoro va Toshkent – Samarqand – Qarshi – Kitob temiryo‘l yo‘nalishlarida jami 253 dona qo‘riqlash posti mavjud.

Poyezdlar harakat xavfsizligini va fuqarolarni hayotiga xavf solishi mumkin bo‘lgan omillarni oldini olish va nazorat qilish maqsadida 24 soatlik qo‘riqlash xizmati tashkil etilgan.