2021 yilda ekspluatatsiya muddatini o‘tab bo‘lgan 544ta ko‘p kvartirali uy-joy renovatsiya qilinadi 

Qayd etilishicha, 544 ta ko‘p kvartirali uy-joydan 211 ta uy-joy buzib qaytadan quriladi, 57 ta uyda renovatsiya ishlari amalga oshiriladi, 276 ta uy instrumental o‘rganiladi.

Bildirilishicha, 2021 yilning 1 oktyabridan boshlab qurilishi tugallangan va foydalanishga qabul qilingan ko‘p kvartirali uy-joyni boshqarish birinchi ikki yilda quruvchi tomonidan amalga oshiriladi hamda mazkur muddatga ko‘p kvartirali uy-joy ekspluatatsiyasining kafolat muddati joriy qilinadi.

2021 yilda ko‘p kvartirali uy-joylarni mukammal va joriy ta’mirlash chora-tadbirlarini amalga oshirish uchun Moliya vazirligi tomonidan Maxsus fondga 100 mlrd so‘m ajratilgan.

Mulkdorlar yoki boshqaruvchilarga ko‘p kvartirali uy-joylarga tutash yer uchastkalari chegaralari va o‘lchamlarini belgilash hamda ularga doimiy foydalanish huquqini belgilovchi zarur hujjatlarni, shu jumladan kadastr hujjatlarini rasmiylashtirish uchun to‘lovlarni bir yil davomida teng ulushlarda bo‘lib-bo‘lib to‘lashga ruxsat beriladi.

Bundan tashqari, elektron reyestr va baholash dasturiy platformasi orqali boshqaruv tashkilotlari reytingida to‘rtta A, B, C, D toifalarga ko‘ra uy-joy mulkdorlarining ovoziga asosan baholash tizimi yo‘lga qo‘yildi.