Isroil G‘arbiy sohilda 3100dan ortiq uy qurilishi rejasini tasdiqladi

 Isroil fuqaro ma'muriyatining rejalashtirish komissiyasi Iordan daryosining G‘arbiy sohilida yahudiylar uchun 3144ta uy qurilishi rejasini tasdiqladi.

Avvalroq Isroil Iordan daryosining G‘arbiy sohilida 1300ga yaqin uy qurilishi bo‘yicha tender e'lon qilgani haqida xabar berilgandi. 

Tenderda falastinliklarning etnik yerlari – G‘arbiy sohilda yangi uylar qurish ko‘zda tutilgan.

Falastin tashqi ishlar vazirligi bu tinchlik muzokaralari uchun yomon oqibatlar keltirib chiqarishi mumkinligini ma'lum qildi.

O‘z navbatida, AQSh davlat departamenti Isroilning bu rejalari keskinlikni kuchaytirishi mumkinligini bildirgan.