Qishloq xo‘jaligi vazirligi sabzi narxi 4-5 baravar arzonlashganini aytdi. Ammo narxlar o‘tgan yillardagidan 2-3 barobar yuqori

Qishloq xo‘jaligi vazirligining sabzi narxi haqidagi bayonoti haqiqatga to‘g‘ri kelmayapti. EastFruit tahlillariga ko‘ra, 2021 yilda O‘zbekistonda sabzi yetishtirish hajmi kamaygan. Erta bahordagi sovuq kunlar ertapishar sabzi hosiliga salbiy ta'sir ko‘rsatgan bo‘lsa, o‘rtachadan bir necha daraja issiq kechgan quruq va issiq yoz o‘rtapishar va kechpishar sabzi hosilini kamaytirgan.