Denovda 10-sinf o‘quvchisi otasining mashinasi bilan 1-guruh nogironini urib yubordi. Fuqaro vafot etdi

Surxondaryo viloyati Denov tumanida 10-sinf o‘quvchisi otasining mashinasi bilan 1-guruh nogironi bo‘lgan shaxsni urib yuborgan. Oqibatda u vafot etgan. Bu haqda viloyat IIB YHXB axborot xizmati xabar bermoqda.

Ma’lum qilinishicha, 13 dekabr kuni 4K-588 Denov-Vaxshivor avtomobil yo‘lining Denov tumani Totuvlik mahallasidan o‘tgan 1-kilometrida odam o‘limi bilan bog‘liq yo‘l-transport hodisasi sodir bo‘lgan.

Denov tumani Obodon mahallasida yashovchi, tuman XTB tasarrufidagi 35-maktabning 10-sinfi o‘quvchisi tunda otasiga tegishli bo‘lgan mashinani boshqarib ko‘chaga chiqqan.

So‘ng qo‘llari yordamida harakatlanib yo‘lni kesib o‘tayotgan 1-guruh nogironi bo‘lgan fuqaroni urib yuborgan. Oqibatda og‘ir tan jarohatlari olgan fuqaro vafot etgan.

Surxondaryoda Spark mashinasini boshqarib ketayotgan maktab o‘quvchisiga chora ko‘rildi

Surxondaryoda mashina boshqarib yurgan 15 yoshli o‘smirga chora ko‘rildi

Surxondaryoda voyaga yetmagan bolalar «Kamaz»da yuk tashib yurgani aniqlangan