Qoʻshimcha funksionallar
-
Tungi ko‘rinish
ShHT antiterror tuzilmasi Qozog‘istonga yordam ko‘rsatishga tayyorligini bildirdi
Mintaqaviy antiterror tuzilmasi Qozog‘iston hukumati qisqa muddatlarda vaziyatni barqarorlashtirishiga ishonishini ta’kidlagan.
Foto: Reuters
Shanhay hamkorlik tashkiloti Mintaqaviy antiterror tuzilmasi (ShHT MATT) tegishli so‘rov tushgan taqdirda Qozog‘istonga yordam berishga tayyor. Bu haqda ShHT MATT ijroiya qo‘mitasi bayonotida aytilmoqda.
"Ijroiya qo‘mitasi Qozog‘iston Respublikasining vakolatli organlaridan tegishli so‘rov tushgan taqdirda ShHT MATT tomonidan o‘rnatilgan tartibda zarur ko‘mak berilishiga tayyorligini ma’lum qiladi", - deyiladi bayonotda.
Tuzilma Qozog‘istondagi vaziyat yuzasidan o‘z xavotirini bildirgan. Shu bilan birga, tuzilma ijroiya qo‘mitasi respublika hukumati qisqa muddatlarda vaziyatni barqarorlashtirishiga ishonishini ta’kidlagan.
"Davlat, huquq-tartibot va maxsus organlar tomonidan amalga oshirilayotgan choralar terrorchi va talonchi guruhlarning noqonuniy faoliyatlariga qisqa muddatlarda chek qo‘yishiga ishonamiz", - deyiladi bayonotda.
Shanhay hamkorlik tashkiloti Mintaqaviy antiterror tuzilmasiga ShHTga a’zo davlatlar rahbarlarining 2002 yil 7 iyunda Sankt-Peterburgda o‘tkazilgan yig‘ilishida asos solingan.
ShHT 2001 yilda Xitoy, Rossiya, O‘zbekiston, Qozog‘iston, Qirg‘iziston va Tojikiston rahbarlari tomonidan tashkil etilgan. Unga shuningdek, Eron, Hindiston va Pokiston davlatlari a’zo hisoblanadi. Afg‘oniston, Belarus va Mongoliya ShHTda kuzatuvchi, Ozarbayjon, Armaniston, Kamboja, Misr, Nepal, Turkiya, Saudiya Arabistoni, Qatar va Shri-Lanka hamkor davlat maqomiga ega.
Qozog‘istonda gaz namoyishlari
Mavzuga oid
19:14 / 18.04.2025
Orol dengizining qurigan tubi yildan yilga ko‘tarilib borayotgani aniqlandi
19:45 / 15.04.2025
YeOII Markaziy Osiyo integratsiyasiga monelik qiluvchi omil bo‘lishi mumkin - Farhod Tolipov
16:29 / 15.04.2025
Lavrov davlatlarning hududiy yaxlitligi huquqini sharsiz qo‘llamasligini aytdi
17:19 / 11.04.2025