Nazarboyevning «mustaqil Qozog‘iston asoschisi» maqomi Konstitutsiya bilan belgilab qo‘yiladi 

Qozog‘iston Konstitutsiyasiga tuzatishlar kiritish bilan shug‘ullanayotgan ishchi guruh mamlakatning birinchi prezidenti Nursulton Nazarboyevga «mustaqil Qozog‘iston asoschisi» maqomi berilishi imkoniyatini ko‘rib chiqmoqda.

«Qozog‘iston Respublikasining birinchi prezidenti — u mustaqil Qozog‘iston asoschisi, ya’ni bu maqom belgilab qo‘yiladi. Bu maqom katta ahamiyatga ega, chunki bu xizmatlar, bu fakt Konstitutsiya bilan mustahkamlab qo‘yiladi», — dedi ishchi guruh a’zosi Yermek Abdrasulov. 

Nursulton Nazarboyev prezidentlik vakolatlarini 2019 yil martda topshirgandi. 

2022 yil yanvardagi tartibsizliklardan so‘ng Qozog‘iston parlamenti Nazarboyevni Xavfsizlik kengashiga umrbod raislik qilish huquqidan mahrum etgandi.