Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • O‘zbekiston | 19:44 / 10.05.2022
    20135
    2 daqiqa o‘qiladi

    SpaceX kompaniyasi va uning Starlink loyihasi O‘zbekistonga taklif qilindi

    AKT vaziri va “O‘zbekkosmos” bosh direktori Toshkentga kelgan SpaceX vakili bilan muzokaralar o‘tkazib, kompaniya va uning sun’iy yo‘ldoshli internet loyihasi – Starlink'ni O‘zbekiston bozoriga kirishga taklif qildi.

    10-11 may kunlari Toshkentda “Space Technology Conference STC-2022” xalqaro konferensiyasi bo‘lib o‘tmoqda.

    Konferensiyaning birinchi kunida O‘zbekiston AKT vaziri Sherzod Shermatov SpaceX kompaniyasi vakili Ben Mak Villiams bilan uchrashuv o‘tkazdi. Bu haqda vazirlik matbuot xizmati Kun.uz'ga xabar berdi.

    Foto: AKT vazirligi
    Foto: AKT vazirligi

    Ma’lum qilinishicha, uchrashuvda SpaceX kompaniyasi vakili O‘zbekistonda yirik loyihalarni amalga oshirishga tayyorligini bildirgan.

    AKT vazirligi tomonidan o‘zaro manfaatli hamkorlikni kengaytirish maqsadida, kompaniya vakiliga O‘zbekistonda o‘z vakolatxonasini ochish bo‘yicha taklif berilgan.

    Shuningdek, “O‘zbekkosmos” agentligi bosh direktori Shuhrat Kadirov ham Ben Mak Vilyams bilan muzokara o‘tkazdi.

    Foto: O‘zbekkosmos

    Uchrashuvda SpaceX tomonidan sun’iy yo‘ldosh orqali yuqori tezlikdagi keng polosali internetga ulanish uchun amalga oshirilayotgan Starlink loyihasining O‘zbekiston bozoriga kirishi muhokama qilingan.

    “Muloqot yakunida tomonlar kelgusida o‘zaro manfaatli aloqalarni rivojlantirishga va hamkorlik qilishga tayyor ekanini ta’kidladi”, deyiladi agentlik matbuot xizmati xabarida.

    2.jpg
    3.jpg
    photo_2022-05-10_15-07-08.jpg
    #SpaceX #Sherzod Shermatov #Starlink #O‘zbekkosmos

    Tavsiya etamiz

    Mavzuga oid

    18:22 / 01.04.2025

    Professional bo‘lmagan astronavtlardan iborat ekipaj tarixda ilk bor Yer qutblari ustidan uchib o‘tadi

    13:41 / 28.03.2025

    Armaniston va Ummonda Starlink sun’iy yo‘ldosh interneti ishga tushirildi 

    21:22 / 23.03.2025

    NYT: SpaceX Tramp ma’muriyatidan milliardlab dollarlik shartnomalar oladi

    17:05 / 16.03.2025

    SpaceX kemasi XKSga muvaffaqiyatli ulandi