Migratsiya agentligi 6 oy ichida xorijda ishga joylashtirilgan fuqarolar sonini ochiqladi

Agentlik xabariga ko‘ra, tashqi mehnat bozoridagi 427 ta salohiyatli ish beruvchilar va rekruting agentliklari bilan muzokaralar o‘tkazilib, ulardagi 71 ming 169 ta bo‘sh ish o‘rinlari aniqlandi.

O‘zbekistondagi kasb-hunar markazlarida 28 ming 590 nafar fuqaro o‘qishga jalb qilindi.

Tashqi mehnat migratsiyasi agentligi tomonidan xorijiy davlatlarda ishga joylashtirilganlarning:

• 3 ming 906 nafari Rossiya Federatsiyasiga;
• 53 nafari Qozog‘iston Respublikasiga;
• 2 ming 687 nafari Janubiy Koreyaga;
• 31 nafari Germaniyaga;
• 410 nafar Serbiyaga;
• 14 nafari boshqa davlatlarga ishga yuborildi.