Donbassning o‘qqa tutilayotgan shaharlari, Kiyevda karamzor o‘rtasida qolgan tank. Urush suratlari

Ukrainada urushning 151-kuni. So‘nggi ma’lumotlar:

23 iyul kuni Rossiya Odessa portiga qanotli raketalar uchirdi — bu ukrain g‘allasini Qora dengiz portlari orqali olib chiqish bo‘yicha kelishuv tuzilishidan bir kun o‘tmay sodir bo‘ldi. BMT, Yevroittifoq va AQSh portga yo‘llangan zarbani qoraladi.
Avvaliga Rossiya rasmiylari va hokimiyat organlari hodisaga sharh berishmadi, ammo keyin Davlat dumasi deputati va teleboshlovchi Yevgeniy Popov hamda TIV spikeri Mariya Zaxarova portga aynan RF qo‘shinlari tomonidan zarba yo‘llanganini tasdiqlashdi, ammo zarbalar harbiy infratuzilmaga yo‘llangani aytildi.
Vengriya bosh vaziri Viktor Orban G‘arb Rossiya bilan tinchlik muzokaralari kerakligini aytdi. Uning so‘zlariga ko‘ra, Moskvaga qarshi sanksiyalar ish bermagan, Kiyev esa urushda g‘olib bo‘la olmaydi.
Ukrainaning ishg‘oldagi Xerson va Zaporijjya oblastlarida Rossiyaga qo‘shilish uchun referendum o‘tkazish bo‘yicha saylov komissiyalari tuzilmoqda.
Ukrainalik jurnalist Denis Kazanskiy VGTRK harbiy korrespondenti Aleksandr Sladkov Luhansk oblastida bir kishini urib ketganini aytdi, avariya guvohlari aloqaga chiqmay qo‘ygan. Sladkov barchasini rad etmoqda.
IMAX korporatsiyasi Rossiyadan ketmoqda. Mamlakatda uning 50 dan ortiq kinozallari qoladi.

Quyida so‘nggi kunlarda Ukrainaning turli hududlarida olingan suratlar.

Xarkiv