Vayron bo‘lgan Mariupoldagi hayot, Donbassga keltirilgan rus tramvaylari. Urush suratlari

5 sentabr kuni Vladimir Putin «Rossiyaning xorijdagi gumanitar siyosati» konsepsiyasini tasdiqladi. Uning vazifalaridan biri «rus dunyosi» an’analari va ideallarini himoya qilishdir. Bu vaqtda istilo ostidagi Mariupolda «Yedinaya Rossiya» gumanitar yordam tarqatmoqda, Sankt-Peterburg meriyasi esa Mariupolda Aleksandr Nevskiyga haykal qo‘ymoqchi. Volodimir Zelenskiy mamlakat janubi va sharqida uchta aholi punkti ozod etilgani haqida e’lon qildi. Aynan qaysi aholi punktlari ekaniga aniqlik kiritilmagan, ammo ukrainlarning qarshi hujumlari bir necha yo‘nalishlarda davom etayotganiga ishora qilingan. Zaporijjya AESda stansiyani Ukraina energotizimi bilan bog‘lovchi oxirgi elektr uzatish liniyasini uzib qo‘yildi (bu haqda ukrainlar «Energoatom»i xabar bergan).

Mariupol

Quyida — bosib olingan Mariupol shahrida avgust oyi oxirida olingan fotosuratlar. Bular urush davrida olingan noyob kadrlar, bu orqali shaharning holatiga baho berish mumkin. Ko‘rinishidan, Mariupolda deyarli fotograflar yo‘q, u yerga mustaqil nashrlar vakillari kiritilayotgani haqida ma’lumot yo‘q.

25 avgust kuni Peterburgdagi «Pobeda» fondi yaqin oylarda Mariupoldagi 29 obektni tiklash rejalashtirilayotgani haqida e’lon qildi, shundan uchta bolalar bog‘chasi, uchta maktab, ikkita poliklinika (bolalar va kattalar uchun), bitta onkologiya korpusi, bolalar xirurgiyasi korpusi va turar joylar. Bundan tashqari, shaharda Aleksandr Nevskiyga yodgorlik o‘rnatiladi.

Donbass shimoli