Shavkat Mirziyoyev Jahon banki bilan sheriklikni yanada kengaytirish yo‘nalishlarini belgilab berdi

Ushbu xalqaro moliyaviy institut bilan strategik sheriklikni yanada rivojlantirish, mamlakatdagi eng muhim ijtimoiy-iqtisodiy islohotlar dasturini ilgari surish bo‘yicha hamkorlikni kengaytirish ko‘rib chiqildi.

Bank qishloq joylarda turmush darajasini yuksaltirish, davlat korxonalarini xususiylashtirish, qishloq xo‘jaligini transformatsiya qilish, iqtisodiyot energiya samaradorligini oshirish, ta’lim va sog‘liqni saqlashni modernizatsiyalash, ishbilarmonlik va investitsiya muhitini yaxshilash kabi yo‘nalishlardagi yangilanishlarni jadallashtirish maqsadida ekspertlik va moliyaviy ko‘makni yanada kengaytirishga tayyor ekani ta’kidlandi.

Markaziy Osiyo barqarorligi va barqaror taraqqiyotini ta’minlashga qaratilgan strategik mintaqaviy loyihalarni amalga oshirishni qo‘llab-quvvatlash masalalariga alohida e’tibor qaratildi.

Uchrashuv yakunida O‘zbekiston va Jahon banki o‘rtasidagi sheriklikni muhim yo‘nalishlarda kengaytirish bo‘yicha yangilangan “yo‘l xaritasi”ni qabul qilishga kelishib olindi.