Qozog‘iston prezidenti O‘zbekistondagi yangi elchini tayinladi

Qozog‘iston prezidentining farmoni bilan Beybut Atamqulov O‘zbekistondagi favqulodda va muxtor elchi etib tayinlandi, deb xabar bermoqda «Dunyo».

U taniqli davlat arbobi hisoblanadi. 58 yoshli Beybut Atamqulov uzoq yillar diplomat sifatida faoliyat yuritgan, turli davlatlarda elchi va bosh konsul vazifalarida ishlagan. 

U, shuningdek, vazir, shu jumladan 2018-2019 yillarda tashqi ishlar vaziri bo‘lgan. 

Beybut Atamqulov shu kunga qadar Sanoat va infratuzilmani rivojlantirish vaziri lavozimida faoliyat yuritib kelayotgan edi.