Sud-tibbiyot ekspertizalarini o‘tkazish tartibiga o‘zgartirish kiritiladi

Tegishli hujjat loyihasiga ko‘ra, iqtisodiy, fuqarolik va ma’muriy ish yuritilayotganda ishni sud muhokamasiga tayyorlash chog‘ida yoki sud muhokamasi jarayonida ekspertiza muassasasi tomonidan shartnoma asosida ishonch bildiruvchi shaxs roziligi bilan advokat so‘roviga ko‘ra ekspertiza o‘tkazilishi mumkin.

Ekspertiza muassasasi tomonidan Vazirlar Mahkamasi qarori bilan tasdiqlangan Jismoniy va yuridik shaxslar murojaatlariga muvofiq o‘tkazilishi mumkin bo‘lgan sud ekspertizasi turlari bo‘yicha tadqiqotlar ro‘yxatiga asosan shartnoma asosida jismoniy va yuridik shaxslar murojaatlariga muvofiq, tadqiqotlar o‘tkazilishi va uning natijalariga ko‘ra mutaxassis fikri berilishi mumkin.

Advokat so‘roviga ko‘ra sud ekspertizasini hamda jismoniy va yuridik shaxslar murojaatlariga asosan tadqiqotlarni o‘tkazish muddatlari ekspertiza muassasasi bilan tuziladigan shartnomada belgilanadi.

Advokat so‘roviga order ko‘chirma nusxasi, sud ekspertizasi advokat so‘roviga ko‘ra tayinlanganda esa o‘rganish obektlari va to‘laqonli ekspertiza o‘tkazish uchun zarur bo‘lgan ish materiallari ham ilova qilinadi.