O‘zbekiston eng ko‘p anjir eksport qilgan davlatlar orasida Qozog‘iston 1-o‘rinni egalladi 

2022 yilning yanvar-oktabr oylarida O‘zbekiston 9 ta davlatga qiymati 2 mln AQSh dollariga teng bo‘lgan 7,2 ming tonna anjir eksport qilgan. 

Davlat statistika qo‘mitasi ma’lumotlariga ko‘ra, anjir eksporti 2021 yilning mos davri bilan solishtirilganda 6,7 ming tonnaga oshgan.

2022 yilning 10 oyida O‘zbekiston eng ko‘p anjir eksport qilgan davlatlar orasida Qozog‘iston birinchi o‘rinni egalladi – 6,9 ming tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Rossiya – 186 tonna;
• Qirg‘iziston – 84 tonna;
• Belarus – 4,1 tonna.

2022 yilning 10 oyida xorijga eng ko‘p anjir eksport qilgan hududlar:

• Xorazm viloyati – 2,7 ming tonna;
• Surxondaryo viloyati – 2,6 ming tonna;
• Namangan viloyati – 1,1 ming tonna.