O‘zbekiston va Qozog‘iston chegarani yakuniy xalqaro-huquqiy rasmiylashtirishni ko‘rib chiqdi

O‘zbekiston tashqi ishlar vaziri o‘rinbosari Bahrom A’loyevning Qozog‘iston tashqi ishlar vaziri o‘rinbosari Yermuxambet Konuspayev bilan uchrashuvi bo‘lib o‘tdi.

Foto: Dunyo

Tomonlar O‘zbekiston va Qozog‘iston munosabatlarining bugungi holati va rivojlanish istiqbollarini muhokama qildi. Hozirgi bosqichda O‘zbekiston-Qozog‘iston yaxshi qo‘shnichilik va strategik sheriklik munosabatlari oliy darajadagi kelishuvlarga muvofiq izchil mustahkamlanib borayotgani qayd etildi.

Muzokaralarda O‘zbekiston-Qozog‘iston davlat chegarasini yakuniy xalqaro-huquqiy rasmiylashtirish masalalari ham ko‘rib chiqildi.

O‘zbekiston-Qozog‘iston qo‘shma demarkatsiya komissiyasining samarali faoliyati va yaxshi qo‘shnichilik munosabatlarini mustahkamlash va mamlakatlar o‘rtasidagi savdo-iqtisodiy aloqalarni chuqurlashtirish uchun chegara demarkatsiyasini yakunlash muhimligi qayd etildi.