O‘zbek jamiyatiga notanish tushuncha - tug‘uruqdan keyingi depressiya haqida

9 oy davomida vujudida bolasini ko‘tarib yurgan ayolning ruhiyatida ona bo‘lgach o‘zgarishlar yuz beradi. U bolasini birdaniga yaxshi ko‘rolmasligi, tushkunlikka tushishi, o‘ziga yoki hatto bolasiga zarar yetkazishga urinish kabi xayollarga borishi ham mumkin. Bunga tug‘uruqdan keyingi depressiya sabab bo‘ladi. Uning shunchaki o‘tib ketishini kutmasdan ayolga ko‘maklashish, uni qo‘llab-quvvatlash ko‘ngilsizliklarning oldini olishga yordam beradi.