«GUR» boshlig‘i: Ukraina qo‘shinlari Qrimga bahorda kiradi

Ukraina qo‘shinlari Qrimga bahorda kiradi. Bunday prognozni Ukraina Mudofaa vazirligi Razvedka bosh boshqarmasi («GUR») rahbari Kirill Budanov Ukrainaning NV radiosiga bergan intervyusida aytdi.

Foto: AP

U qo‘shimcha ma’lumot bermadi, biroq Ukraina Qurolli kuchlarida «hamma narsa reja bo‘yicha» ketayotganini ta’kidladi.

Amerikaning Newsweek nashri Ukrainaning rejalashtirilgan hujumi 30 apreldan boshlanishini da’vo qilmoqda.

Nashr 17 aprel kuni ta’kidlaganidek, bu uch hafta oldin e’lon qilingan «Amerika razvedkasi hujjatlari»dan aytilgan. «Maxfiy» va «o‘ta maxfiy» deb belgilangan hujjatlar Ukrainadagi urushning borishi haqida muhim ma’lumot beradi.

Newsweek nashri e’lon qilgan 20 ta hujjatdan biriga ko‘ra, Ukraina hujumida to‘qqizta brigada ishtirok etishi rejalashtirilgan.

«Ular uchun zarur bo‘lgan jihozlarning umumiy miqdori «253 ta tank, 381 ta mexanizatsiyalashgan mashina, 480 ta avtomobil texnikasi va 147 ta artilleriya, shuningdek, 571 ta Amerikaning HMMWV zirhli texnikasidan iboratdir», - deyiladi matnda.

Bundan tashqari, hujjatga ko‘ra, AQSh va ittifoqchilar tomonidan Ukraina qo‘shinlarining barcha mashg‘ulotlari Ukrainadan tashqarida amalga oshirilyapti.

Hujjatlarning haqiqiyligi tasdiqlanmagan. Mutaxassislarning ta’kidlashicha, ularning ba’zilari hech bo‘lmaganda qisman tahrirlangan.