Bo‘stonliqda kvadrosiklda harakatlangan 2 kishi jarlikka tushib ketdi

Toshkent viloyati Bo‘stonliq tumanida jarlikka tushib ketgan ikki fuqaro qutqarildi. Bu haqda Favqulodda vaziyatlar vazirligi xabar bermoqda.

Foto: FVV matbuot xizmati

Qayd etilishicha, kecha, 25 aprel kuni soat 17:02 da Chimyon yong‘in-qutqaruv otryadiga Bo‘stonliq tumani Chimyon tog‘idagi Qiziljar hududida ikki nafar fuqaro kvadrosiklda harakatlanib ketayotgan vaqtida o‘z ehtiyotsizligi natijasida boshqaruvni yo‘qotib, jarlikka tushib ketgani to‘g‘risida xabar kelib tushgan.

Zudlik bilan hodisa joyiga FVV qutqaruvchilari yetib borib, tan jarohati olgan fuqarolarga amaliy yordam ko‘rsatgan va ular tez tibbiy yordam xodimlariga topshirilgan.