Rossiya Adliya vazirligi "chet el agentlari" ro‘yxatini kengaytirdi

Rossiya Federatsiyasi Adliya vazirligi yangi shaxslar va tashkilotlarni “chet el agentlari” reyestriga kiritdi.

Mariya Pevchix / Foto: Slaven Vlasic

Ro‘yxatni xalqaro "FBK" rahbari Mariya Pevchix va ushbu tashkilot xodimi Georgiy Alburov, shuningdek, Novosibirskning "Tayga.info" nashri to‘ldirdi.

Pevchixning reyestrga kiritilishini asoslab, Adliya vazirligi, xususan, u "Rossiya Federatsiyasining salbiy imijini shakllantirishga qaratilgan fikrlarni tarqatgan" va Rossiya rahbariyatiga qarshi sanksiyalarni omma oldida qo‘llab-quvvatlaganini da’vo qilmoqda.

Alburov "Rossiya Federatsiyasi Qurolli kuchlarining harakatlari haqida yolg‘on ma’lumot tarqatgan" va shuningdek, sanksiyalarni qo‘llab-quvvatlagan.

Bundan tashqari, quyidagilar "chet el agentlari" deb e’lon qilindi: "Populyarnaya politika" boshlovchisi Yan Matveyev, publitsistlar Aleksandr Osovsov, Ivan Preobrajyenskiy va Vladimir Pastuxov, Davlat dumasining sobiq deputati Mariya Maksakova-Igenbergs, ko‘ngilli Yelena Agafonova, "Myagkaya sila" ayollar ijtimoiy-siyosiy harakati, "SK SOS" inqiroz guruhi.