Zaporijjya AESda tashqi elektr ta’minoti butunlay uzildi

Uning so‘zlariga ko‘ra, Ukrainaning «Energoatom» kompaniyasi o‘zi boshqarayotgan «Dneprovskaya» elektr tarmog‘ini uzib qo‘ygan. 

O‘chirish sababi hozircha noma’lum. Ukraina bu xabarlarga izoh bermayapti. 

«Energoatom» davlat konserni Zaporijjya AESda tashqi elektr ta’minoti o‘chirilganligini tasdiqladi.

Rossiya tomoni Atom energiyasi bo‘yicha xalqaro agentlik (AEXA) bosh direktori Rafael Grossining Zaporijjya AESda yadro va xavfsizlik xavfsizligini ta’minlash tashabbusini amalga oshirish bo‘yicha ishlarni davom ettirishga tayyor. Bu haqda 5 aprel kuni Rossiyaning «Rosatom» davlat korporatsiyasi ma’lum qildi.

Kaliningradda Rossiya vakillari va AEXA delegatsiyasi o‘rtasida ZAESdagi vaziyat yuzasidan maslahatlashuvlar bo‘lib o‘tdi. Grossi «Rosatom» bosh direktori Aleksey Lixachev bilan uchrashdi.

AEXA rahbari 2022 yil noyabrida stansiyaning o‘qqa tutilishi oqibatlarini shaxsan ko‘rishga muvaffaq bo‘ldi, deya ma’lum qildi «Rosatom». Korporatsiyaning ta’kidlashicha, agentlik bosh direktori stansiyada yangi rus dizel generatorlari va blok-modulli qozonxonalar mavjudligiga e’tibor qaratgan.

29 mart kuni AEXA bosh direktori Rossiya tomonidan bosib olingan Zaporijjya atom elektr stansiyasiga tashrif buyurib, u yerdagi vaziyatdan xavotir bildirdi. 

Rafael Grossi Yevropaning eng yirik atom elektr stansiyasiga Rossiya armiyasi tomonidan bosib olinganidan beri ikkinchi marta tashrif buyurgandi. Uning AEXAga tashrifidan maqsad «yadro xavfsizligi bilan bog‘liq vaziyatning jiddiyligini joyida baholash» niyati deb ataldi.