O‘zbekiston va Shvetsiya «Markaziy Osiyo – Shimoliy kengash» formatida hamkorlikni yo‘lga qo‘yadi

TIVda Yevropa mamlakatlari va Yevropa Ittifoqi institutlari bilan hamkorlik boshqarmasi boshlig‘i Oybek Shaxavdinov va Shvetsiya elchisi (qarorgohi Stokholm shahrida) Tomas Danestad o‘rtasida uchrashuv bo‘lib o‘tdi, deb xabar bermoqda «Dunyo».

Foto: Dunyo

Ikki tomonlama kun tartibidagi dolzarb masalalar, jumladan, siyosiy, sarmoyaviy va savdo-iqtisodiy hamda madaniy-gumanitar sohalarda O‘zbekiston-Shvetsiya hamkorligini faollashtirish masalalari muhokama qilindi.

Ta’lim va turizm sohasidagi aloqalarni kengaytirish istiqbolli yo‘nalishlar sifatida belgilandi.

«Markaziy Osiyo – Shimoliy kengash» formatida mintaqalararo hamkorlikni yo‘lga qo‘yishdan manfaatdorlik bildirildi.

Tomonlar o‘zaro manfaatli aloqalarni mustahkamlash va mavjud imkoniyatlardan samarali foydalanish bo‘yicha aniq harakatlarni amalga oshirishga tayyor ekanliklarini tasdiqladilar.

#Shvetsiya #Shimoliy kengash

Kun.uz yangiliklarini Google News'da kuzating

+ Obuna bo'lish