Xorazmda daraxt kesgan fermerga nisbatan ozodlikni cheklash jazosi tayinlandi
83 ta daraxtni qo‘porib tashlagan fermerga 2 yil ozodlikni cheklash jazosi tayinlandi.
Xorazm viloyati, Qo‘shko‘pir tumanidagi «Rasulbek» fermer xo‘jaligi hududida daraxtlar kesilishiga oid holat viloyat Ekologiya, atrof-muhitni muhofaza qilish va iqlim o‘zgarishi boshqarmasi inspektorlari tomonidan o‘rganildi.
Aniqlanishicha, hududda 83 tup har xil turdagi daraxt qo‘porilgan, 3 tup daraxt o‘sishdan to‘xtamaydigan darajada shikastlangan.
Ushbu holat jinoyat ishlari bo‘yicha Qo‘shko‘pir tumani sudi tomonidan ko‘rib chiqildi. Sud hukmiga ko‘ra, fermer xo‘jaligi rahbari B.A.ga Jinoyat kodeksining 198-moddasi 3-qismiga asosan 2 yil ozodlikni cheklash jazosi tayinlandi.
Shuningdek, sudlanuvchi tomonidan o‘simlik dunyosiga yetkazilgan 193,8 million so‘m miqdoridagi zarar qoplanishi shartligi belgilandi.
Mavzuga oid
07:20
Daraxtlarni kesish va qasddan quritish uchun jarimalar oshiriladi
22:32 / 19.09.2024
Chang bo‘ronlariga qarshi kurashish va oqibatlarini yumshatish bo‘yicha milliy dastur ishlab chiqildi
10:06 / 19.09.2024
“Omonqo‘ton” milliy tabiat bog‘idagi noqonuniy yo‘l: prokuratura jinoyat ishi qo‘zg‘atdi
18:40 / 18.09.2024