Misrdan gepatit S virusiga qarshi dorining navbatdagi partiyasi O‘zbekistonga jo‘natildi
Misr O‘zbekiston uchun «Daklatasvir» dori vositasining navbatdagi, o‘n to‘rtinchi partiyasini ajratdi.
Uzbekistan Airways aviakompaniyasi Misr hukumati tomonidan insonparvarlik yordami sifatida berilgan gepatit S virusiga qarshi «Daklatasvir» preparatining o‘n to‘rtinchi partiyasini Sharm-ash-Shayxdan Toshkentga yetkazdi.
1280 dona «Daklatasvir - 60 mg» preparati (jami 80 quti) O‘zbekiston Sog‘liqni saqlash vazirligi huzuridagi Virusologiya ilmiy-tadqiqot institutida davolanib chiqqan bemorlarga tarqatiladi.
Avvalroq, prezident Shavkat Mirziyoyev gepatit S bilan kasallangan bemorlar davlat hisobidan davolanishini aytgan edi.
Qayd qilinishicha, Misr gepatit V va S viruslariga qarshi kurashda sezilarli yutuqlarga erishgan. Misr Sog‘liqni saqlash vazirligi ma’lumotlariga ko‘ra, mamlakat aholisi bu kasallikdan to‘liq xalos bo‘lgan va misrlik olimlar o‘zbek mutaxassislari bilan tajriba almashishga tayyor.
Mavzuga oid
13:00 / 27.09.2024
O‘zbekiston va Misr o‘rtasida siyosiy maslahatlashuvlar bo‘lib o‘tdi
12:40 / 16.09.2024
Misrda xorijiy turistlar bo‘lgan avtobus YTHga uchradi
23:44 / 09.09.2024
Misrlik arxeolog Germaniyadan Nefertiti byustini qaytarishni talab qilmoqda
17:58 / 07.09.2024